Resultata frå Fjelltrimmen 2011 er no tilgjengelige på nett!

Haustens broddnytt er no på nett med treningstider, bilete, og ymse oppsummeringar frå gruppene innad i Brodd. Tusen takk til Beate Kornberg og dei kjekke folka i Brodd!

22. oktober 2011 blir det krabbefest i Runnevang. Vi startar serveringa og opnar baren kl. 1900. Prisen for skalldyrbuffet har vi sett til 200,-. Aldersgrense 18 år. Overskotet frå kvelden går til Utviklingslaget. Dette vert ein sosial kveld i haustmørket med noko av det beste frå havet. Vi har fått litt spørsmål om korleis det skal leggast opp reint praktisk, krabbe er det som kjent endel griseri med. Det skal riggast opp partytelt ute, der koking og opning føregår. Klørne blir bresta slik at dei kan opnast vidare for hand. Det som skal fortærast blir sidan lagt på fat, slik at gjestene kan forsyne seg med krabbe ute, bevege seg vidare inn i storsalen for å fylle opp med reker og anna deileg tilbehør. Kjeldesortering av avfallet. Vi lurte lenge på om vi skulle fiske eller kjøpe krabber, men prisen på kjøpt er så gunstig at vi droppar fiskinga. Vi får leveranse frå havet like i forkant av festen, så råvarene vert av ypperste kvalitet. Elles blir det bar med øl, kvitvin, rødvin, cider, brus og litt snacks. Kaffi må vel nåken ha. Utpå kvelden reknar vi med behovet for å svinge seg melder seg. Då ryddar vi som hør og bør vekk litt framfor scena, og finn fram fengande rytmer. Det vert ikkje lagt opp til noko program eller anna underhaldning som forstyrrer den gode søgjen. Vi håpar dette initiativet vert godt motteke, og at vi fyller salen med folk og god stemning. Det vert laga til store mengder mat, so vi treng mange magar å hjelpe oss. Planen er å gjere dette til ein årleg tradisjon, for vaksne i alle aldrar. VEL MØTT !!

Har du/de planar om arrangement/selskap med matservering? Då er er Runnevang staden – og no meir aktuell enn nokon gong!

Som eit ledd i opprustninga og fornying av Runnevang so har vi no skifta ut den gamle bakarovnen med ein nyare konveksjonsovn på kjøkenet. Vi har òg på gong eit arbeid med å fornye avtrekkshetta og ventilatoren slek at det blir leveleg arbeidsforhold for kokken.

Jakta på Sørstranda nærmar seg med stormskritt. Diskutér jakt 2011 her: http://www.sjedu.no/index.php?goto=forum&tid=1822

Vi oppfordrer små og store, unge og gamle broddarar til å møte opp og være med å påvirke Brodd si framtid!! I etterkant av sjølve årsmøtet legg vi i styret opp til ei idemyldring og litt å bite i. Fyrst og fremst ynskjer vi innspel på korleis vi skal drifte barneidretten vår i tida framover, men vi ynskjer og forslag til nye aktivitetar og nye måter å drive trimtilbod til alle aldersgrupper. Er det noko du saknar? Har du ein god idè? Vi vil ta ibruk moderne metoder for medverknad, og alle konstruktive bidrag vert tatt vare på og drøfta framover våren, både i styret og gruppene! Årsmelding (pdf)
Reknskap og budsjett for 2011 (xls)

Kommande tysdag blir det Barn i Løypa igjen på Loggane. Denne gongen blir det laga bål :)

I kveld kl. 16 er det "Barn i løypa" på Loggane. Møt opp og bli med :)

Ein smakebit frå årets julequiz har dukka opp på Youtube. Sjå smakebiten her:

6. juledag blir det julequiz i Runnevang i regi av ungdomslaget og husstyret. Stemninga blir minst like bra som i fjor. Etter quizen spelar Steinar til dans! Sett av kvelden allereie no! Meir info kjem langsmed :D

Dagbladet er i gong med sin årvisse konkurranse "Klubben i ditt hjarte". Klikk her for å gje di stemme til Brodd!

Brodd si oversikt over trimpoeng for 2010 ligg no på nett. Noko som kanskje er spesielt verdt å merke seg er at det var 1818 fleire besøk på postane i 2010 enn i 2009. Det kan vel trygt kallast ei positiv utvikling (:

Den 28. november er det juleverkstad i Runnevang. Gamle og nye utstillarar er hjarteleg velkomne. For info og påmelding kontakt Hege på tlf. 97 77 70 96.

12. november kl. 19.00 er det duka for Broddmarknad i Runnevang. Det blir åresal, premiering, og matøkt. Vinstar og smørbrødfat mottas med takk! Vel møtt til ei triveleg haustsamling i Runnevang! Helsing styret i Idrettslaget Brodd.

Broddnytt for oktober 2010 er ute! Det kan lesast her, og ein kan også laste det ned direkte.

SUL skriv: "Laurdag 28.august kl.15.00 inviterer ungdomslaget til Zeskamp i Runnevang. Det vert 4 lag som skal møtast til uhøgtidleg og underhaldande kappestrid. I tilleg til to lag frå Sørstranda ("innjaføre" og "uttaføre" sjølvsagt!) stiller der eit lag frå Bukta og eit frå Nordstranda. Så det er berre å stille opp og heie fram sine respektive lag. Ein kan og handle i kiosken,- hamburger, pølse med brød, pommes frites, kaffi og kaker m.m. Sjedu-skjorte kan ein og skaffe seg denne dagen. Vel møtt i Runnevang." Sjeduskjorta finst også i storleik for born. Berre å møte opp!

I forbindelse med Sjeduvolley 2010 vil det være sommarkafé i Bua på Rygg omlag frå kl. 17 og utover. Det blir visst også ei musikalsk overrasking :) Meir info finn ein i denne gruppa på Facebook.

Sjedudeisane som gjorde ein legendarisk opptreden på 17. mai i år har no fått si eiga gruppe på Facebook. Gruppa finn du her.

Komande torsdag er det duka for Sjeduvolley for tredje år på rad! Turneringa startar kl. 18 nede på sandvolleyballbana på Rygg. Møt opp og ta med vener og familie! Påmelding gjerast på nett, og det ligg info på Facebook også. I skrivande stund er det framleis plass til 13 lag!